ಲೈನ್ ಹೊಡೀಬೇಕಾದ್ರಂತೂ ಆಕೆಗೆ ಮುತ್ತು ಕೊಡಲಾಗಲಿಲ್ಲ. ಅಟ್ಲೀಸ್ಟ್…

Photo courtesy – freepik.com

ಗೆಳೆಯನೊಬ್ಬನನ್ನ ಮೊನ್ನೆ ಮದುವೆಗೆ ಕರ್ಕೊಂಡ್ ಹೋಗಿದ್ದೆ. ಆತ ಮದುವೆಗೆ ಬಂದಿದ್ದ 28ರ ಪ್ರಾಯದ ತನ್ನ ಹಳೆಯ ಸಹಪಾಠಿ ಗೆಳತಿಯ ಬಗ್ಗೆ ಹೇಳಿದ್ದನ್ನ ಯಥಾವತ್ತಾಗಿ ಇಡುತ್ತಿದ್ದೇನೆ.

8ನೇ ಕ್ಲಾಸಿನಲ್ಲಿ ಅವಳ ಹಿಂದೆ ದೊಡ್ಡ ಹುಡುಗರ ಹಿಂಡೇ ಬಿದ್ದಿತ್ತು. ಈಗ ಆಕೆಗೆ ಸುಮಾರು ಇಪ್ಪತ್ತೆಂಟು. ಈಗಲೂ ಅಷ್ಟೇ ಸೌಂದರ್ಯವತಿ. ಶ್ವೇತವರ್ಣೆ. ಆಕರ್ಷಕ ಮಂದಸ್ಮಿತ ಗುಂಡು ಮುಖ. ಸ್ವರ್ಗಕ್ಕೆ ಆಕೆಯ ಗಂಡ ಕಿಚ್ಚು ಹಚ್ಚಿದ್ದಾನೋ ಇಲ್ಲವೋ ಗೊತ್ತಿಲ್ಲ. ಆದರೆ, ಆತ ಕಿಚ್ಚು ಹಚ್ಚಿದ್ದಾನೆ ಅಂತಲೇ ಎಲ್ಲರೂ ನಂಬಿದ್ದಾರೆ..! 8ನೇ ಕ್ಲಾಸಿನಲ್ಲಿ ನಾನೂ ಅವಳ ಹಿಂದೆ ಬಿದ್ದಿದ್ದೆ. ಅವಳು ಒಬ್ಬರಿಗಲ್ಲ. ಎಲ್ಲರಿಗೂ ಲೈನ್ ಕೊಡುತ್ತಿದ್ದಳು. ಆಮೇಲೆ, ಎಲ್ಲರಿಗೂ ಟಾಟಾ ಮಾಡಿ, ಪಾಪಾ ಪಾಂಡು ಥರದೋನನ್ನ ಮದುವೆಯಾದಳು. ಲೈನ್ ಹೊಡೀಬೇಕಾದ್ರಂತೂ ಆಕೆಗೆ ಮುತ್ತು ಕೊಡಲಾಗಲಿಲ್ಲ. ಅಟ್ಲೀಸ್ಟ್ ಎರಡು ವರ್ಷದ ಆಕೆಯ ಮಗುವಿಗಾದ್ರೂ ಕೊಡೋಣಾ ಅಂತಾ ಅಂದುಕೊಂಡೆ. ಥತ್, ಯಾರೋ ಕರೆದರು ಅಂತಾ ನನ್ ಕೈಗ್ ಕೊಟ್ಟಿದ್ದ ಮಗು ಎತ್ಕೊಂಡ್ ಹೋದ್ಲು. ಜಸ್ಟ್ ಮಿಸ್..! ಬಡ್ಡೀಮಗಂದ್ ಲೈಫ಼್ ನಲ್ಲಿ ಎಂಥೆಂಥಾ ಟ್ವಿಸ್ಟ್‌ಗಳಪ್ಪಾ..?

ಮೊಬೈಲು ಫೋನು

          ಜನರ ಮೊಬೈಲು ಫೋನು, ರಿಂಗ್ ಟೋನ್ ಹಾಗು ಸಂದರ್ಭಗಳು

ಮುದ್ದಾದ ಪ್ರೀತಿಗೆ... ಅದರ ರೀತಿಗೆ... ಈ ಪ್ರೀತಿಯೇ ಕಾಣಿಕೆ..!!

ಹುಚ್ಹು ಪ್ರೀತಿ ಪ್ರೇಮ ನಾಗರಾಜ್ 
                         ಮುದ್ದಾದ ಪ್ರೀತಿಗೆ... ಅದರ ರೀತಿಗೆ... ಈ ಪ್ರೀತಿಯೇ ಕಾಣಿಕೆ..!!!

ತುಂಬಾ ದಿನದ ನಂತರ Blog Update ಮಾಡೋ ಮನಸಾಗಿ., ಬಿಡುವಿಲ್ಲದ ಈ Lyfಗೆ ಮನಸ್ಸಲ್ಲೇ ಶಪಿಸುತ್ತಾ... ಯಾವ ವಿಷಯದ ಬಗ್ಗೆ ಬರೀಬೇಕು ಅಂತಾ ಯೋಚಿಸ್ತಾ ಇದ್ದಾಗ ಈ ಮನಸ್ಸಿನಲ್ಲಿ ಮೂಡಿದ್ದು "ಪ್ರೀತಿ" ಎಂಬ ಎರಡೇ ಅಕ್ಷರ..!!! ಎಂಥವರನ್ನು ಸಹ ಕ್ಷಣಕಾಲ ಮೂಕವಿಸ್ಮಿತರನ್ನಾಗಿಸಿ ಬಿಡುವ ಶಕ್ತಿ ಕೇವಲ ಪ್ರೀತಿಯೆಂಬ ಈ ಎರಡಕ್ಷರಕ್ಕಿದೆ ಎಂದರೆ ಅಚ್ಚರಿಪಡುವಂತಾದ್ದು ಏನು ಇಲ್ಲಾ.. Bcoz ಪ್ರತಿಯೊಬ್ಬರಿಗೂ ಅವರ ಜೀವನದಲ್ಲಿ ಒಂದು ಭಾರಿಯಾದರೂ ಅದು ಅನುಭವಕ್ಕೆ ಬಂದಿರುತ್ತದೆ..!! ಸದ್ಯ ಈ ಮನಸು ಸಹ "ಪ್ರೀತಿಯ" ಗುಂಗಿನಲ್ಲಿ ಇದಿದ್ದರಿಂದಲೋ ಏನೋ ಅದರ ಬಗ್ಗೆ ಬಿಟ್ಟು ಬೇರೆ ಯಾವ ವಿಷಯದ ಬಗ್ಗೆಯೂ ಬರೆಯುವ ಮನಸ್ಸಾಗಲಿಲ್ಲ..!! :-) :-)

ಹೌದು ಈ ಪ್ರೀತಿ ಅಂದರೇನು?? ಅದು ಎಲ್ಲಿ ಹುಟ್ಟುತ್ತೆ?? ಎಲ್ಲಿ ಕೊನೆಯಾಗುತ್ತೆ??

ಪ್ರತಿಯೊಬ್ಬರಿಗೂ ಈ ತರದ ಪ್ರಶ್ನೆಗಳು ತಲೆಯಲ್ಲಿ ಸುಳಿದಾಡಿ ಹೋಗಿರುತ್ತೆ... "ಪ್ರೀತಿ" ಎಂದರೆ ವ್ಯಾಖ್ಯಾನಕ್ಕೆ ನಿಲುಕದ., ತರ್ಕಕ್ಕೆ ಸಿಗದ ಒಂದು ಮಧುರ ಬಾಂಧವ್ಯ..!!! ಅದು ಹೇಗೋ., ಎಲ್ಲೋ ಹುಟ್ಟಿದರೂ ಕೂಡ ಕೊನೆಯಂಬುದು ಮಾತ್ರ ಅದಕ್ಕಿಲ್ಲ..!!

ಪ್ರೀತಿಯೆಂದರೆ ಆಕಾಶದಲ್ಲಿ ಸ್ವಚಂಧವಾಗಿ ಹಾರಾಡೋ ಹಕ್ಕಿಯಾ ತರ.. ಯಾವುದೇ ತರವಾದ ಎಲ್ಲೇ ಆಗಲಿ., ಬಂಧವಾಗಲಿ ಅದಕ್ಕೆ ಇಲ್ಲಾ..!! ಹಾಗೇ ಈ ಪ್ರೀತಿಗೆ ಅತ್ಯವಶ್ಯಕವಾಗಿ ಬೇಕಾದ್ದು ಜೊತೆಗಿದ್ದು ಜೋಪಾನ ಮಾಡೋ ಒಂದು ಹೃದಯಾ., ಜೊತೆಗೊಂದಷ್ಟು ಅಕ್ಕರೆಯ ನುಡಿ., ಸ್ವಲ್ಪ ಕಾಳಜಿ ಹಾಗೂ ಯಾವುದನ್ನಾದರೂ ಸಹನೆಯಿಂದ ಆಲಿಸುವ ಭಾವ..!! ಅಷ್ಟನಲ್ಲದೆ ಬೇರೇನನ್ನು ಬಯಸುವುದಿಲ್ಲ "ಈ ಪ್ರೀತಿ"..!
!

ಕಂಗಕಂಗಳಲಿ ... ನೀ ನಾಚಿ ಹಾಡುವ ಹಾಡು..ಳಲಿ ... ನೀ ನಾಚಿ ಹಾಡುವ ಹಾಡು.. !

ಕಂಗಕಂಗಳಲಿ ... ನೀ ನಾಚಿ ಹಾಡುವ ಹಾಡು..ಳಲಿ ... ನೀ ನಾಚಿ

ಹಾಡುವ ಹಾಡು.. !

ನಗು ಕೆನ್ನೆ 

ಕುಂಕುಮದ ಹಣೆ..  

ಈ 
ಬೊಗಸೆ ಕಂಗಳಲಿ

ನೀ

ನಾಚಿ ಹಾಡುವ  ಹಾಡು..

ಬಿಟ್ಟೂ

ಬಿಡದೆ ಆವರಿಸುವ.. 
ನಿನ್ನ 

ಪ್ರೇಮ ಪರಿಧಿ ಭಾವದೊಳಗೆ   

ನನ್ನ 
ನಾ ಹುಡುಕುತ.. 

ಇಲ್ಲೇ.. 

ಇರುವೆ ಕಣೆ  ಎಲ್ಲೂ ಹೋಗದೆ... 

ತುಂಬು 
ಪ್ರೀತಿ 

ನೆನಪು  ಕ್ಷಣಗಳ  ಹೊತ್ತು... 

nagaraj pt

ಜೋಡಿ ನಕ್ಷತ್ರಗಳ ಕಿವಿಯೋಲೆಯ ಹುಡುಗಿಗೆ,

 ಸೀದಾ ಸಾದಾ ಹುಡುಗನೊಬ್ಬನ ಮನದ ತಳಮಳ ಪ್ರೀತಿಯ ಕಲರವ . ಓದಿ ನೋಡಿ ಹೇಗಿದೆ ಹೇಳಿ.

ಜೋಡಿ ನಕ್ಷತ್ರಗಳ ಕಿವಿಯೋಲೆಯ ಹುಡುಗಿಗೆ, ಬಾಗ್ಯ ಮತ್ತು  ರೆಖಾ 

ಹೇಗಿದೀಯೇ ? ಚಿಕ್ಕ ಚಿಕ್ಕ ಮೊನಚು ಕಂಗಳ ಇನ್ನೂ ಕಿರಿದಾಗಿಸಿ ನಗುತ್ತಿರಬೇಕು. ಈ ಸ್ನೇಹ ಅದ್ಯಾವಾಗ ಪ್ರೀತಿಯಾಗಿ ಬದಲಾಗುತ್ತದೆ ಎಂದೆ ತಿಳಿಯುವುದಿಲ್ಲವಂತೆ ಹೌದೇನೆ ? ಸಾಹಿತ್ಯದ ಗಂಧ ಗಾಳಿ ಇಲ್ಲದ ಹುಡುಗ ಮನದ ಭಾವನೆಗಳಿಗೆ ಅಕ್ಷರ ರೂಪ ಕೊಡುವಷ್ಟರ ಮಟ್ಟಿಗೆ ಬಂದಿದ್ದಾನೆ ಎಂದರೆ. ಅದೆಂಥ ಪ್ರೀತಿಯ ಅನುಭೂತಿಯಲ್ಲಿರಬೇಕು ಆತ ಅಲ್ವಾ ?

ಹೌದೇ ಹುಡುಗಿ ಮೊನ್ನೆ ಬಸ್ಸಿನಲ್ಲಿ ಶಿರಾಡಿ ಘಟ್ಟವಿಳಿವಾಗ ನನ್ನೆದೆಯೊಳಗೆ ನಿನ್ನದೇ ನೆನಪುಗಳ ವರ್ಷಧಾರೆ. ನೆನಪುಗಳ ಮೆರವಣಿಗೆಯಲ್ಲಿ ನಿನ್ನದೇ ಅಂಬಾರಿ.!

ಎಳೆ ಬಿಸಿಲ ಕೋಲಿಗೆ ಮಿರುಗುತ್ತಿರುವ ಚಿಗುರುಗಳು, ನೀಲ ಗಗನವ ಮುಟ್ಟಲು ತವಕಿಸುವ ಎತ್ತರದ ಮರಗಳು. ಆ ನೀರ ಪಸೆ, ಮಣ್ಣ ಕಂಪು, ನೀಲಿ ಬೆಟ್ಟ, ಬೆಳ್ಳಿ ಮೋಡಗಳು, ಥೇಟ್  ನಿನ್ನ ಮಾತುಗಳಂತೆ ಕೇಳುವ, ರಸ್ತೆಯುದ್ದಕ್ಕೂ ಪಕ್ಕದಲ್ಲೇ ಹರಿಯುವ ನದಿಯ ನಾದ. ಇವೆಲ್ಲವೂ ರಾಡಿ ರಾಡಿಯಾದ ಶಿರಾಡಿಯ ರಸ್ತೆಯ ಪರಿವೆಯೇ ಇಲ್ಲದಂತೆ ಮಾಡಿ ಬಿಟ್ಟಿದ್ದವು ನನಗೆ.!

 ಶಿರಾಡಿ ಘಟ್ಟದಲ್ಲಿ ದ್ವಿಚಕ್ರ ವಾಹನವೋಡಿಸುವ ಮಜವನ್ನು ಅನುಭವಿಸುತ್ತಿದ್ದ ಹುಡುಗ  ಬಸ್ಸಿನಲ್ಲಿ ಕುಳಿತು ಕವಿಯಂತೆ ಆಲೋಚಿಸುತ್ತಿದ್ದನೆಂದರೆ ?! ಪ್ರಕೃತಿಯನ್ನು ಮಗುವಿನ ಕುತೂಹಲದಲ್ಲಿ ನೋಡುತ್ತಿದ್ದನೆಂದರೆ ? ಅದ್ಯಾವ ಮಟ್ಟಕ್ಕೆ ಬದಲಾಗಿರಬೇಡ ಹೇಳು ನಾನು? 'ಪ್ರೀತಿ ಪ್ರಕೃತಿಯಂತೆ. ಅಲ್ಲಿ ಸೌಂದರ್ಯವಿದೆ, ನವನವೀನತೆಯಿದೆ, ದುರಂತವಿದೆ', ಎಂದೆಲ್ಲ ಅನಿಸುತ್ತಿತ್ತು.  Bike rideನ ಥ್ರಿಲ್ಲಿಗಿಂತ ಆ ಶಿರಾಡಿ ಘಟ್ಟದಲ್ಲಿ ನಿನ್ನ ನೆನಪುಗಳ ಮಳೆಯಲ್ಲಿ ಮಿಂದೇಳುವುದು ಹಿತವೆನಿಸುತ್ತಿತ್ತು. 

ಇನ್ನೂ ನೆನಪಿದೆ ಹುಡುಗಿ ನನ್ನ ಬಲಗೈ ಹಿಡಿದು ನನ್ನ ಹೆಗಲಿಗೆ ನೀನು ಒರಗಿದ್ದ ದಿನ, ಅದೇ ಶಿರಾಡಿ ಘಟ್ಟದಲ್ಲಿ. ತೊಟ್ಟಿಲಿನಂತೆ ತೂಗುತ್ತಿದ್ದ ಬಸ್ಸು ನಿನ್ನ ನಿದ್ದೆಯ ಲೋಕಕ್ಕೆ ಜಾರಿಸಿ ಬಿಟ್ಟಿತ್ತು. ಒಮ್ಮೆ ದಿಟ್ಟಿಸಿದ್ದೆ ನಿನ್ನ. ನಿದ್ರಾದೇವಿಯ ಮಡಿಲಲ್ಲಿ ಥೇಟ್ ಮಗುವೇ ನೀನು.! ನಿನ್ನ ನೀಳ ಕಣ್ರೆಪ್ಪೆಗಳು, ನನ್ನ ಬಲ ಕೈಯನ್ನು ಮಗುವಿನಂತೆ ಹಿಡಿದಿದ್ದ ನೀಳ ಚಿಗುರು ಬೆರಳುಗಳ ನಿನ್ನ ಆ ಕೈ. ಅಲೆ ಅಲೆಯಾಗಿ ಮುಖದ ಮೇಲೆಲ್ಲಾ  ಹರಡಿದ್ದ ತಲೆಗೂದಲು, ಆ ಕೂದಲ ರಾಶಿಯಿಂದ ಇಣುಕುತ್ತಿದ್ದ, ರಾತ್ರಿಯಾಗಸದಲ್ಲಿ ತಾರೆಗಳ ನೆನಪಿಸುವ , ಜೋಡಿ ನಕ್ಷತ್ರಗಳ ಕಿವಿಯೋಲೆ. ಅದನೊಮ್ಮೆ ಸ್ಪರ್ಶಿಸುವ ಹಂಬಲವನ್ನು ಅದ್ಹೇಗೋ ತಡೆ ಹಿಡಿದಿದ್ದೆ.  ಮೊದಲ ಬಾರಿಗೆ ಹುಡುಗಿಯೊಬ್ಬಳ ಮೊಗವನ್ನು ಹೀಗೆ ದಿಟ್ಟಿಸಿದ್ದಿರಬೇಕು. ಅದೆಷ್ಟು ತೊಂದರೆ ಕೊಡುತ್ತಿತ್ತು ನಿನ್ನ ಮೊಗದ ಮೇಲೆ ಹಾರಾಡುತ್ತಿದ್ದ ಕೂದಲ ರಾಶಿ. ಅದರಿಂದಲೇ ಅಲ್ಲವೇನೆ ನಿನ್ನ ನಿದ್ದೆಗೆ ಭಂಗವಾಗಿ, ಎಚ್ಚೆತ್ತು. 'ನಿದ್ದೆಗಣ್ಣಿನ ನಗು' ನಕ್ಕು. ತುಸು ಆಚೆ ಜರುಗಿ ಕಿಟಕಿಯತ್ತ ಮುಖ ಮಾಡಿ ಪ್ರಕೃತಿಯ ಹಂದರದಲ್ಲಿ ಜಾರಿದ್ದು. ಜಗತ್ತಿನ ಕುತೂಹಲವನ್ನೆಲ್ಲ ತುಂಬಿಕೊಂಡ ಬೊಗಸೆ ಕಂಗಳಲ್ಲಿ ಶಿರಾಡಿ ಘಟ್ಟದ ಪ್ರತಿಬಿಂಬವನ್ನು ಕಾಣಬೇಕೊಮ್ಮೆ ಅನಿಸಿತ್ತು.!

ಬೈಕ್ ಇರುವುದೇ ಓಡಿಸಲಿಕ್ಕೆ ಎಂದುಕೊಂಡು, ಕೂದಲನ್ನು ಬೇಕಾಬಿಟ್ಟಿ ತಿದ್ದಿಕೊಂಡು, ಮಣಿಸರಗಳನ್ನು  ಸಿಕ್ಕಿಸಿಕೊಂಡು, heavy metal music ಕೇಳಿಕೊಂಡು, messi- football ಅಂತ ಆರಾಮಾಗಿ ಇದ್ದ ನನ್ನಲ್ಲಿ ಅದೆಂಥ ಬದಲಾವಣೆ ನೋಡು..!

 ಈಗ ನನ್ನ ಐಪಾಡ್ ತುಂಬೆಲ್ಲ ಭಾವಗೀತೆಗಳೇ! ನೀಲಿ ಬೆಟ್ಟ, ಕೊನೆಯಿಲ್ಲದ ಗಗನ, 
ಬೋರ್ಘರೆವ ಸಮುದ್ರ.ಮುಂಜಾನೆಯ ಮಂಜು, ಸೂರ್ಯೋದಯ ಎಲ್ಲವೂ ಇಷ್ಟ 
ಆಗಲಿಕ್ಕೆ ಶುರುವಾಗಿದೆ ನೋಡು.!  ನಾನು ನೀನಾಗುತ್ತಿದ್ದೆನಾ ? ಅದೆಲ್ಲಿ ಸಾಧ್ಯ? ನಿನ್ನ ಆ ಮಗುವಿನಂಥ ನಗು, ಮನಸು ನನಗೆಲ್ಲಿಂದ ಬರಬೇಕು ಹೇಳು?

ಪಕ್ಕಾ practical ಸ್ವಭಾವದ, ಭಾವನೆಗಳೇ ಇಲ್ಲದಿದ್ದಂಥ ಹುಡುಗನ ಮನದಲ್ಲೀಗ ಭಾವನೆಗಳ ಮುಂಜಾವು. ನಿನ್ನ ನೆನಪುಗಳ ಕಚಕುಳಿ. ನಿನ್ನ ಹುಸಿಮುನಿಸು, ಮುಖವೂದಿಸುವ ಪರಿ, ಕಣ್ಣುಗಳಲ್ಲೇ ಕೊಲ್ಲುವ ದಾಟಿಗೆ ಸೋತು ಹೋಗಿದ್ದೇನೆ. ಮನಸು ಸ್ನೇಹದಿಂದ ಪ್ರೀತಿಯ ಕಡೆಗೇ ಜಾರುತ್ತಿದೆಯಲ್ಲೇ..!

ಹೌದು ಆ ದಿನವೇ ಕೇಳಬೇಕು ಅಂದು ಕೊಂಡಿದ್ದೆ ಅದ್ಯಾಕೆ ಕಾಡಿಗೆಯ ಹಚ್ಚುತ್ತೀಯೇ ನೀನು ? ನಿಜ್ಜ ಹೇಳಲಾ? ಯಾಕೋ ಗೊತ್ತಿಲ್ಲ ನಿನ್ನ ಕಾಡಿಗೆಯ ಕಂಗಳಿಗಿಂತ. ಆ ಮುಗ್ಧ ಅಬೋಧ ಕಂಗಳೇ ಇಷ್ಟ ಮಾರಾಯ್ತಿ.!

ಕಾಡು ಹೂಗಳ ಕಂಪಿಗೆ  ನಿನ್ನ ನೆತ್ತಿಯ ಘಮದ ನೆನಪು.! ನನ್ನ ಭುಜಕ್ಕೂ

 ನಿನ್ನದೇ ತಲೆ ಬೇಕಂತೆ ನೋಡು.

ಕೊನೆಗೂ ಶಿರಾಡಿ ಘಟ್ಟದ ಆರ್ದ್ರತೆಗೆ ನನ್ನ ಮನದಲ್ಲೂ ಪ್ರೀತಿಯ ಬೀಜ ಮೊಳೆತಿದೆ. ಜೋಡಿ ಕಿವಿಯೋಲೆಗಳ ಮೇಲೆ ಇಳಿಬೀಳುವ ನಿನ್ನ ಜೊಂಪೆ ಕೂದಲುಗಳ ಸರಿಸಬೇಕಿದೆ. ಜೀವನ ಪೂರ್ತಿ ನಿನ್ನದೇ ಜೊತೆ ಬೇಕು ಅನಿಸುತ್ತಿದೆಯಲ್ಲೇ. ಅರ್ಥ ಮಾಡ್ಕೊತೀಯ ಅಲ್ವಾ ? 

                                       ನಿನ್ನ ಪ್ರೀತಿಯ ಮಳೆಯಲ್ಲಿ ನೆನೆಯ ಬಯಸುವ 
                                                         ಒರಟ ನಾಗರಾಜ್ 

ಎದುರುಮನೆ ಲಕ್ಷ್ಮೀ ಬಾರಮ್ಮ

ಎದುರುಮನೆ ಲಕ್ಷ್ಮೀ ಬಾರಮ್ಮ

ಎದುರುಮನೆ ಲಕ್ಷ್ಮೀ ಬಾರಮ್ಮ, ನನ್ನೊಲವಿನ ವೇಣೀ

ನೀ ಎದುರುಮನೆ ಲಕ್ಷ್ಮೀ ಬಾರಮ್ಮಾ ||ಪ||



ಜೀನ್ಸು ಪ್ಯಾಂಟನು ಹಾಕ್ಕೊಂಡು ಬಾರೆ

ಗುಲಾಬಿ ಹೂವನು ಮುಡುಕಂಡು ಬಾರೆ

ಕಾಲೇಜ್ ಹುಡುಗರು ಲೈನು ಹೊಡೆದರೇss

ಕಾಲಲ್ಲಿರುವಾ ಚಪ್ಪಲಿ ತೋರೇ ||ಪ||



ಬೆಂಕಿಪೊಟ್ಟಣ ಕೇಳುತ ಬಾರೆ

ಹಾಲಿಗೆ ಹೆಪ್ಪನು ಒಯ್ಯಲು ಬಾರೆ

ಶುಕ್ರವಾರದಾ ಸಂಜೆಯವೇಳೆಗೆ

ಚಿತ್ರಮಂಜರೀ ನೋಡಲು ಬಾರೇ ||ಪ||



ಚಕ್ಕುಲಿ ಕೋಡ್ಬಳೆ ತಿನ್ನೋಣ ಬಾರೆ

ಇವತ್ತಿನ್ ಪೇಪರ್ ಓದೋಣ ಬಾರೆ

ಅಪ್ಪ-ಅಮ್ಮ ಇಬ್ಬರೂ ಇಲ್ಲ

ನಾವಿಬ್ರೇ ಕೂತು ಹರಟೋಣ ಬಾರೇ ||ಪ||

ಶುಭರಾತ್ರಿ ಗೆಳತಿ

ಶುಭರಾತ್ರಿ ಗೆಳತಿ

ಸಂಜೆಯಾಗಸದ ಮೋಡದಂಚಿನಲಿ
ದೂರದಿಗಂತದಿ ಗೋಚರಿಸುವ ನಕ್ಷತ್ರ
ಸಮೂಹದಲಿ ನಿಂತು ಹೇಳುವೆ ನಿನಗೆ
ಶುಭರಾತ್ರಿ - ಗೆಳತಿ

ಹುಣ್ಣಿಮಯ ದಿನದಂದು ತಿಂಗಳ ಬೆಳಕಿನಲಿ
ಭ್ರಮರವಾಗಿ ಝೇಂಕರಿಸುತ್ತಾ ಬಂದು
ನಿನ್ನ ಮುಂಗುರುಳತಾಗಿ ಗುಟ್ಟಾಗಿ ಹೇಳುವೆ
ಶುಭರಾತ್ರಿ - ಗೆಳತಿ

ಬೀಸು ತಂಗಾಳಿಯಜೊತೆ ಮಲ್ಲಿಗೆ
ಹೂವಿನ ಕಂಪಾಗಿ ತೇಲಿಬಂದು ನಿನ್ನ
ಸುವಾಸನೆಯಲಿ ಮೈಮರೆಸಿ ಹೇಳುವೆ ನಿನಗೆ
ಶುಭರಾತ್ರಿ - ಗೆಳತಿ

ಕಡಲತಡಿಯಲಿ ಬಡಿವ ಅಲೆಗಳ
ಜೊತೆ ಮುತ್ತಾಗಿ ತೇಲಿಬಂದು
ನಿನ್ನಂಗಾಲಿಗೆ ತಾಗಿ ಹೇಳುವೆನಿದೋ
ಶುಭರಾತ್ರಿ - ಗೆಳತಿ

ಅಂದ ಕಿರುನಗೆಬೀರೆ ಚೆಂದದಾ ನಿನ್ನಂ
ದವ ಸವಿದು ಪಿಸುಮಾತಿನಲಿ ನಿನಗೆ
ಸುಖ ನಿದ್ರೆಗುಮುನ್ನ ಮತ್ತೊಮ್ಮೆ ಇದೋ
ಶುಭರಾತ್ರಿ - ಗೆಳತಿ